Pyetje të shpeshta

    Shëndeti intim

    Kandidoza

      Kam dëgjuar se nëse prekesh një herë nga kandidoza, mund të të rishfaqet. Si mund ta parandaloj këtë gjë?

      Nëse prekeni një herë nga kandidoza nuk do të thotë medoemos se do të prekeni përsëri. Megjithatë, për të parandaluar rishfaqjen e kandidozës duhet të bëni disa ndryshime të thjeshta në stilin tuaj të jetesës. Për shembull, duhet të shmangni përdorimin e deodorantëve dhe produkteve të parfumosura rreth zonës intime dhe të siguroheni që të ndërroni të brendshmet pas stërvitjes. 

      Klikoni këtu për këshilla të tjera mbi parandalimin e kandidozës.

      Si trajtohet kandidoza?

      Kandidoza mund të trajtohet me lehtësi dhe me efikasitet në kushtet e shtëpisë, me mjekimet Canesten® të disponueshme pa recetë, si tabletat vaginale Canesten® 3 200 mg ose krem vaginal Canesten® 3 20 mg/g, si për të luftuar infeksionin ashtu dhe për të qetësuar simptomat si krruarjet, djegiet, skuqjet, ënjtjet dhe dhimbjet.

      Klikoni këtu për të parë gamën e plotë të produkteve.

      A mund të përdor mjekime Canesten® për kandidozën nëse jam shtatzënë?

      Gjatë shtatzënisë, zakonisht gratë preken nga kandidoza për shkak të ndryshimeve që ndodhin në trupin e tyre, veçanërisht gjatë trimestrit të tretë. 

      Kandidoza gjatë shtatzënisë mund të trajtohet me mjekimet vaginale Canesten® për kandidozën me përmbajtje klotrimazoli, pasi të jeni konsultuar me mjekun tuaj. Nëse jeni shtatzënë dhe mendoni se jeni prekur nga kandidoza, ju rekomandojmë që përpara përdorimit të çfarëdolloj produkti për trajtimin e infeksionit të konsultoheni me një profesionist të shëndetësisë.

      Në cilin moment të ditës mund t'i përdor mjekimet Canesten® për kandidozën?

      Ju mund të përdorni trajtimet e Canesten® për kandidozën gjatë ditës ose gjatë natës. Megjithatë, rekomandohet që mjekimet vaginale të aplikohen përpara se të flini, dhe përdorimi i produktit mund të shkaktojë rrjedhje sekrecionesh. Për rezultate më të mira, shtrihuni menjëherë pas vendosjes së produkteve vaginale. Kjo redukton rrjedhjen. Rekomandohet të përdorni peceta higjienike për të mbrojtur veshjet gjatë kohës së përdorimit të Canesten®.

      A mund të kryej marrëdhënie seksuale gjatë trajtimit të kandidozës?

      Rekomandohet që marrëdhëniet seksuale të shmangen derisa kandidoza të jetë kuruar.

      Është e rëndësishme të dini se kremi me klotrimazol mund të dëmtojë lateksin e përdorur te prezervativët dhe diafragmat kontraceptive. Kjo mund të shkaktojë funksionimin jo të duhur të kontraceptivëve tuaj. Për rrjedhojë, për të paktën pesë ditë pas përdorimit të kremit Canesten® kundër kandidozës duhet të përdorni masa mbrojtëse alternative.

      A mund të ndikojnë marrëdhëniet seksuale në infektimin nga kandidoza?

      Kandidoza nuk është infeksion seksualisht i transmetueshëm. Megjithatë, nëse kryeni marrëdhënie seksuale me të njëjtin person (mashkull ose femër) kandidoza mund të kalohet nga njëri tek tjetri. Disa gra vuajnë nga rishfaqjet e vazhdueshme të kandidozës. Për të reduktuar shpeshtësinë e këtyre rishfaqjeve, partneri seksual mund të përdorë një krem Canesten® për trajtimin e penisit me qëllim parandalimin e riinfektimit, edhe në mungesë të simptomave të kandidozës. 

      Në rast se partneri juaj mashkull ka simptoma të kandidozës, ai mund ta trajtojë atë me kremin Canesten®.  
       

      A mund të preken meshkujt nga kandidoza?

      Po, kandidoza mund të prekë edhe meshkujt, edhe pse ata mund të mos shfaqin asnjë simptomë. Trajtimi i kandidozës te meshkujt mund të bëhet me kremin Canesten®.

      Shëndeti i lëkurës dhe i këmbëve

      Infeksioni mykotik i këmbëve

        A largohet vetvetiu nëse nuk e trajtoj?

        Fatkeqësisht, jo. Infeksioni mykotik i këmbëve është një infeksion mykotik i lëkurës i cili duhet të trajtohet me barna antimykotike. Sa më parë ta trajtoni aq më shpejt do të kurohet. Për informacione mbi mënyrat e lehta dhe efikase të trajtimit të infeksionit mykotik të këmbëve, vizitoni faqen tonë të trajtimit të infeksionit mykotik të këmbëve.

        Sa zgjat trajtimi?

        Koha e rekomanduar e trajtimit varion nga 3 deri në 4 javë. Simptomat e infeksionit të lëkurës, si kruarjet apo dhimbjet, duhet të përmirësohen brenda pak ditëve nga trajtimi me cilindo nga produktet Canesten® kundër infeksionit mykotik të këmbëve. Nëse simptomat nuk përmirësohen brenda 7 ditëve, konsultohuni me mjekun tuaj.

        A mund të vazhdoj të stërvitem nëse prekem nga infeksioni mykotik i këmbëve?

        Infeksioni mykotik i këmbëve nuk duhet t'ju pengojë të stërviteni, megjithëse duhet të evitoni notin në mënyrë që të parandaloni përhapjen e infeksionit. Gjatë stërvitjes duhet të mbani çorape pambuku dhe në dhomat e veshjes duhet të vishni shapka ose sandale. Pas stërvitjes, sigurohuni që t'i pastroni dhe t'i thani këmbët siç duhet, lajini çorapet në ujë të ngrohtë dhe lërini këpucët të thahen pasi i keni veshur.

        Infeksioni mykotik i ijëve

          Sa zgjat trajtimi?

          Koha e rekomanduar e trajtimit varion nga 3 deri në 4 javë. Simptomat e infeksionit të lëkurës, si kruarjet apo dhimbjet, duhet të përmirësohen brenda pak ditëve nga trajtimi me cilindo nga produktet Canesten® kundër infeksionit mykotik të këmbëve. Nëse simptomat nuk përmirësohen brenda 7 ditëve, konsultohuni me mjekun tuaj.

          Dermatofitoza

            A shkaktohet dermatofitoza nga krimbat?

            Jo! Dermatofitoza është një infeksion mykotik i lëkurës dhe nuk ka lidhje me krimbat. Ajo shfaqet si një skuqje në formë unaze, e cila del në lëkurë për shkak të infeksionit mykotik.

            A mund të preken kafshët nga dermatofitoza?

            Po. Nëse kafsha juaj shtëpiake ka njolla në lëkurë me qime të rëna, ajo mund të jetë prekur nga dermatofitoza. Kontrolloni familjarët dhe kafshët e tjera shtëpiake për shenja të infeksionit dhe çojini kafshët te veterineri sa më parë që të jetë e mundur. Nëse mendoni se një kafshë është e infektuar, duhet t'i qëndroni larg për të shmangur që të infektoheni edhe ju.

            Miliaria